Куќата му дозволува на пејзажот непречено да тече

Проектот за куќа сместена на самиот брег, почива на идеата да се намали ризикот од оштетувања кои можат да ги направат потенцијалните поплави и да се заштити природното опкружување.

Куќата во јужен Мејн изградена е на песочни дини, затоа носи симболично име In the Dunes. Архитектонското биро од Портланд, Caleb Johnson Studio е проектант на куќата. Се одлучиле објектот да го дигнат над површината на теренот со високи дрвени столбови анкерисани во бетонски темели. На овој начин локацијата скоро воопшто не е нарушена со изградба. Куќата му дозволува на пејзажот непречено да тече под нејзе.

„Објектот е организиран како систем на чисти геометриски форми, кои се модернизирани во поглед на дизајнот и манипулирани со цел да се овозможат погледи на морето и мочуриштето“- изјавиле архитектите за Inhabitat.

Фасадата на објектот е обложена со кедар, поставени се прозори со големи димензии кои куќата ја приближуваат на природата и пружаат панорамски погледи на опкружувањето од скоро секој агол.

Ентериерот е простран, а неутралната палета на бои и минималното количество мебел, придонесуваат на чувството на слобода и создавање пријатна атмосфера.