Електричното Volvo XC40 ќе се појави на пазарот до крајот на годината

Веста дека до крајот на годината на пазарот ќе стигне  целосно електричната верзија на Volvo XC40, објавена е на неодамнешниот настан, кој беше организиран од страна на овој шведски производител на автомобили. Иако се работи за најмладиот модел во гамата на SUV, XC40 стана втор најпродаван Volvo модел на глобално ниво. Инаку, планот на Volvo е електричните автомобили да сочинуваат половина од продажбата до 2025 година, па овој автомобил ќе има сериозна улога во остварувањето на таа цел. Пред да се појави целосно електричната верзија, Volvo ќе им понуди на своите купувачи две plug in хибридни верзии.