Словенија и Бугарија добија 76 милиони евра од ЕУ фондовите за два прекугранични далеководи

Европската унија му одобри 48,2 милиони евра на словенечкиот оператор на преносниот систем ELES, во рамките на програмата Connecting Europe Facility (CEF), за изградба на првиот далековод помеѓу Словенија и Унгарија, како и 28,6 милиони евра на бугарскиот оператор на преносниот систем за изградба на далековод помеѓу Бугарија и Грција.

Интерконекцијата Цирковице (Словенија) – Жерјавинец (Хрватска)/Хевиз (Унгарија), претставува вкупна инвестиција од 102,5 милиони евра, додека за интерконекцијата Mарица Исток 1 (Бугарија) – Неа Санта (Грција), потребни се 56 милиони евра.

Изградбата на интеконекцијата Словенија – Унгарија, ќе овозможи пристап на регионот кон енергетските пазари на истокот, како и подобрување на сигурноста на снабдувањето. Проектот, исто така е неопходен и за успешно завршување на проектот на паметни мрежи Sincro Grid. Интерконекцијата за која е задолжен бугарскиот оператор на преносниот систем подразбира изградба на нов 400kV далековод помеѓу Бугарија и Грција, со должина од 122 километри на бугарска и 29 километри на грчка територија.