Камена куќа во зелена долина

Архитектонската фирма „Опус студио“ ја има дизајнирано куќата Гозо која се простира на 500 квадратни метри во колумбиската оддел на Антиокија на надморска височина од 2.195 метри, сместена во бујната зелена долина во средината на Анта.

Благодарение на интелигентниот дизајн на архитектурата постигнато е извонредно чувство на спокојство и хармонија со природата, бидејќи камените ѕидови и зелените покриви практично оддаваат почит на преубавиот планински масив, а организацијата на просторот во исто време им овозможува на членовите на семејството практично да живеат на отворено.

Структурата на куќата се состои од три главни дела поврзани со зелен покрив, и сите заедно го следат примерот на околните ридови. Со комбинирање на борова шума со природен камен, и во внатрешноста и во надворешноста, куќата е практично камуфлирана во околната природна средина.

Влезот во куќата се наоѓа помеѓу две крила. Кога ќе влезете во внатрешноста, долгите ходници водат низ соби и се сретнуваат во централниот дел на куќата, од кој се излегува во внатрешен двор со базен, која е организиран како место за дружење и игра.

Архитектите  во овој проект се потпирале многу на дизајнирање на пасивни дизајни. Така, дневната соба е ориентирана кон исток, со цел да се користи сончевата светлина во текот на денот, додека зоната за спиење е на западната страна и на тој начин се обезбедува сенка и приватност.

Пространиот зелен покрив, покрај поврзувањето на куќата со околината, претставува добар термички изолатор и благодарение на тоа се намалува потребата за дополнителна енергија.

Внатрешноста на куќата е направена во потемни тонови, а материјали со изразена текстура се присутни во делот за спиење.