Во Хрватска одобрени субвенции за купување на 506 електрични возила

На јавниот повик за непосредно кофинансирање на купувањето на енергетски ефикасни возила за правни лица, кој Фондот за заштита на животната средина и енергетска ефикасност (FZOEU – Fond za zaštitu okoliša i energetsku efikasnost) го објави на 20-ти јуни 2018, стигнале над 200 пријави. Обобрени се пријавите од 127 субјекти, кои вкупно добија 13 милиони куни (1.750.000 евра) за 506 возила.

Притоа, кофинансирањето е одобрено за 286  електрични велосипеди  (1,2 милиони куни), 122 електрични автомобили (8,6 милиони куни), 29 возила од категоријата  N1  со погон на компримиран природен гас или течен нафтен гас (околу 2 милиони куни) како и 69 возила од L категорија (околу милион куни), пишува Jutarnji list.

Во 2017 година, во Хрватска се регистрирани 277 електрични лични возила, а резултатите од овој јавен повик покажуваат дека во оваа година таа бројка ќе се зголеми најмалку двојно.