Нова изложба посветена на генијалниот Тим Вокер ќе биде отворена во Лондон

Модниот фотограф Тим Вокер е веќе препознатлив гениј за кој навистина не треба вовед. Неговите фотографии и модни едиториали кој ги работел за голем број на списанија предизвикуваат восхит од страна на критичарите, но и од публиката и се смета дека Вокер е еден од оние визионери кои во модната индустрија донел нешто свежо, ново и неверојатно. Фановите на Вокер ќе се воодушеват со објавата дека следната година во Лондон ќе биде отворена нова изложба посветена на неверојатен талент. Изложбата ќе биде поставена во V&A и иако во моментов нема наслов, се знае дека посетителите ќе можат да ги видат фантастичните визури кои овој фотограф ги донел на живот, како и „фотографии зад сцената“, односно увид во работата на висажисти, фризери и дизајнери, кои, исто така, придонесуваат за формирање на конечните идеи на Вокер и неговиот бајковит свет.

Откриени се и неколки детали за тоа што ќе бидат вклучени во самата изложба. Имено, претходно биле вклучувани некои од највпечатливите реквизити кои тој ги користел за време на своите снимања, а дизајнерката Шона Хит откри како овој пат ќе бидат вклучени токму овие реквизити за да просторот се претвори во место каде што се испреплетуваат фотографии, реквизити, сетови и инсталации. Ова е трета самостојна изложба на фотографот во Лондон, кадешто Вокер претходно имал изложби во „Сомерсет Хаус“ во 2012 година во Музејот на дизајн во 2008 година.