Меѓународен конкурс за Уметничка галерија на АЛУ во Загреб

Универзитетот во Загреб во соработка со Здружението на хрватските архитекти (UHA), распиша меѓународен отворен конкурс за изработка на архитектонско-урбанистичко решение за Уметничка галерија на Академијата за ликовни уметности во Загреб (ALUARTFORUM).

Право на учество во својство на автори имаат сите стручни физички и правни лица, со услов еден од авторите на конкурсното дело да е овластен архитект во Хрватската комора на архитекти.

Рокот за предавање на конкурсните трудови е 31 март 2014 година. Учесниците имаат право да поставуваат прашања во врска со конкурсот до 18 февруари.

Ако до одредениот рок пристигнат најмалку шест трудови кои одговараат на условите на конкурсот, тогаш ќе бидат следните награди, во бруто износ:

Награда – 113.400 кн (околу 15.000 евра)

Награда – 68.040 кн (околу 9.000 евра)

Награда – 45.360 кн (околу 6.000 евра)

Повеќе информации на сајтот на Друштвото на архитекти на Загреб: http://www.d-a-z.hr