Порта3 – градежништво, архитектура и екологија Порта3 – градежништво, архитектура и екологија
Проектот на корејското архитектонско студио ArchiWorkshop засекогаш ќе го промени вашиот став за кампување. Кампување и гламур не оделе секогаш рака под рака, но со овие футуристички шатори кои личат на мали светлечки живеалишта, кампувањето отиде чекор понатаму во функционална и естетска смисла. Кампот се наоѓа во Yang-Pyeong, Јужна Кореја, во близина на долината Jungwon и важи за омилено викенд одморалиште на многу Корејци.
Прекрасната природа и пријатни температури го прават ова место идеална летна локација која е одлична за бегство од врелиот градски асфалт, а од сега Корејците и во зима имаат можност да поминат неколку ноќи во овие интересни живеалишта.
За да им овозможи на туристите мирен ноќен престој, тимот на студиото ArchiWorkshop дизајнирал два сета на шатори кои се опремени со кујни, тоалети, кревети, па дури и внатрешни прегради насликани од познати улични уметници.
