Нуклеарната централа Козлодуј ќе работи уште 20 години

Работниот век на реакторите 5 и 6 во нуклеарната централа Козлодуј ќе може да биде продолжен за 20 години, покажува студијата која ја изработи француско-рускиот конзорциум од компаниите EdF (Electricite de France) и Росенергоатом.

Генералниот директор на НЕ Козлодуј, Иван Генов изјави дека до Регулаторната агенција за нуклеарна енергија на Бугарија е веќе поднесено барање за продолжување на лиценцата за работа, откако на реакторот 5 дозволата ќе му истече во 2017, а на реакторот 6 во 2019 година.

Програмата на модернизација во функција на продолжување на работниот век би се имплементирала во две фази, од кои првата би била завршена до крајот на 2017, со инвестициони вложувања од 200 милиони евра.

Извор: Presse