Путин и Орбан договорија проширување на нуклеарната централа „Пакш“

Во Москва, во текот на средбата помеѓу Владимир Путин и Виктор Орбан, е потпишана спогодба за соработка во областа на нуклеарната енергија за мирнодобски цели. Притоа, договорено е изградбата на два нови блока во нуклеарната  централа  „Пакш“ да биде финансирана со руски кредит во вредност до 10 милијарди евра.

Оваа централа во моментот произведува 40% од електричната енергија во Унгарија, и е едниствената активна нуклеарка во Унгарија, на Дунав. Изградена е по советски проект, со четири реактори од типот ВВЭР-440, а со претстојното проширување моќноста на централата ќе се зголеми од 2.000 MW на 4.400 MW.

Извор: elektroenergetika.info