7. Меѓународен саем за енергетика „Енерга 2017“ во Сараево

Овогодишниот седми по ред меѓународен саем за енергетика „Енерга 2017“ ќе се одржи во периодот од 6 до 8 јуни, во Центар Скендерија во Сараево, Босна и Херцеговина.

Во изминатите години Саемот и Конференцијата „Енерга“ се етаблираа како успешни бизнис -настани, а со тоа и си го зацврстија местото меѓу најзначајните манифестации во областа на енергетиката во Босна и Херцеговина и во регионот. Саемот е место за средба на компании и институции, кои ги презентираат своите разновидни истражувачки и производствени достигнувања, трендови и остварувања во модерната енергетика, како и различни облици на меѓусебна соработка.

Организаторите на Саемот им овозможуваат на учесниците во рамките на деловните средби да остварат директен контакт и да запознаат потенцијални деловни партнери. Структурата на деловната и стручната јавност заинтересирана за учество на оваа манифестација го потврдуваат стекнатиот углед и позиција на „Енерга“.

Оваа година, меѓународниот саем за енергетика „Енерга 2017“  главен акцент ќе стави на следните дејности: електрична енергија, јаглен, гас и нафта, соларна енергија, еолска (ветерна) енергија, биомаса, енергетска ефикасност и други.