50 нешта за Ле Корбизје кои можеби не сме ги знаеле

Го знаеме по неговите округли очила, афинитетот за бетон, љубовта кон модернизмот… Највлијателниот архитект на 20 век, бил и уметник и теоретичар кој ја преферирал девизата „архитектурата е револуција“. Учел од August Perret  и Peter Behrens,  а неговото архитектонско наследство е извонредно. Во 2015 година во чест на 50-годишнината од неговата смрт, објавени се 50 помалку познати факти за неговиот 78-годишен живот исполнет со историски архитектонски потфати но и авантури.

1. Ле Корбизје „ обсесивно го чувал секое свое писмо, цртеж или фотографија за спомен“

 

2. Пред да се посвети на архитектурата бил во бизнисот со гравирани часовници.

3. Во 1946 патувал во Принстон, Њу Џерси, каде се сретнал со Алберт Ајнштајн.

4. Ле Корбизје и неговата архитектура се претставени на банкнотата од 10 швајцарски франци.

 

5. Постојат улици именувани по него во Аргентина и Канада

 

.

6. Во 1936 тој патувал во Бразил со Цепелин. Летот траел 5 дена.

7. Ле Корбизје поддржувал директна врска меѓу архитектурата, урбанизмот и државата, во верување дека ќе следуваат социјални реформи.

8. Во 1936 година проектирал стадион кој никогаш не се изградил, со капацитет од 100.000 гледачи. Стадионот требало да се лоцира во Париз.

9. Во 1987 година во една реклама за Кодак, Бил Козби седи на фотелја дизајнирана токму од Ле Корбизје.

10. Додека патувал во зимата 1907 се сретнал со уметниците  Gustav Klimt и Josef Hoffman

11. Конкурирал со свој проект за никогаш неизградената Палата на Советите во Москва

12. Неговиот погреб се одржал во 1965 во дворот на Лувр

13. Во 1925 Павилјонот на Ле Корбизје (Esprit Nouveau) добива една опскурна локација на “Exposition International des Arts Decoratifs et Industrielles Modernes“ изложбата заради „непријателството кон него“.

14. Велел дека за неговата позната фотелја (chaise longue à reglage continou) која ја дизајнирал заедно со Pierre Jeanneret и Charlotte Perriand, во 1928, нашол инспирација во каубоите и начинот на кој тие се одмараат со нозете на маса.

. 

15. Неговиот план за радијален град (Ville Radieuse), се базирал на планот на Мадрид и за прв пат бил предложен во 1930 за Москва.

16.  Во 1935, тој одржал предавање насловено “The Great Waste” (големиот отпад) во Чикаго и Балтимор. Тој верувал дека ерата на индустријализација носи прекумерно производство, отпад и декаденција.

17. Автор е на следните зборови изгравирани на патека во Battery Park City: „Сто пати сум помислил – Њујорк е катастрофа, а педесет пати – Њујорк е прекрасна катастрофа“.

18. Во текот на својата посета во различни држави на САД остварил скромен број средби со официјалните претставници од браншата.

19. Самиот тој за својата кариера рекол дека е преполна со грешки.

20. Во 1938 година имал несреќа со чамец од која се здобил со повреди и голема лузна.

21. Потврдил дека дизајнот за урбаниот план на Рио де Жанеиро бил скициран од авион.

22. Иако проектирал повеќе проекти кои требало да бидат изградени во САД, само еден е реализиран – Harvard University’s Carpenter Center for the Visual Arts.

23.  Guillame Jullian, негов колега, подоцна се потсетува: “ Тој ми рече дека веројатно Visual Arts Center ќе биде неговата единствена зграда во Америка, и поради тоа би сакал да ги стави сите свои архитектонски елементи.

24. Дрвена макета во реална големина од автомобилот на Ле Корбизје („Voiture Maximum”) била направена од страна на италијанскиот дизајнер Giorgio Guigiaro за изложбата во чест на 100тиот роденден на архитектот.

25. Швајцарската банка UBS повлече рекламна кампања во која се појавува архитектот, поради одредени наводи дека бил симпатизер на нацистите, базирани на неговата лична коресподенција. Овие факти добиваат особено внимание по објавувањето на неговата биографија во 2008.

26.  The New York Times известува дека дизајнот на сетот на Аида од Дизни била инспирирана од неговата архитектура.

27. Во врска со проектот на Ле Корбизје за индискиот град Кандигар, Нехру рекол:„Прашањето во врска со Кандигар не е дали ви се допаѓа или не, туку дали ќе Ве натера на размислување за него.“

28. До денес, најскапото дело на Ле Корбизје продадено на аукција е дрвената статуа „Femme“, изработена во 1962 и продадена во акциската куќа Кристи за 3,1 милион швајцарски франци.

29. Jørn Utzon архитектот на познатата Опера во Сиднеј, првично имал замисла во внатрешноста на објектот да постави таписерии дизајнирани од Ле Корбизје. Но, откако Uzton го напушта проектот во 1966 таписериите остануваат во неговиот дом. Дури по седум години од неговата смрт, односно во 2015 Сиднејската Опера ги откупува овие дела од неговата оставштина со намера да го украси главното фоаје.

30. Чилеанскиот сликар Roberto Matta, во доцните 1930ти работел за Ле Корбизје како цртач.

31.  Во 1956 одбива професорско место во Ecole des Beaux-Arts.

32.  Во 1926 бил ангажиран од страна на една компанија да изгради работничка населна со 40тина куќи во близина на Бордо. Но, на властите не им се допаднале дизајнот и боите, па дури одбиле да ја приклучат населбата на водоводната мрежа. Од овие причини објектите останале невселени цели шест години.

33.  Во 1956 на барање на кралот Faisal II, во Багдад го проектирал т.н Багдадски Гимназиум, спортски комплекс за потенцијална Олимпијада во 1960 година. Објектот е изграден 13 години по смртта на архитектот.

34. Една од најголемите инспирации ја наоѓал во манастирот во близина на Фиренца (Carthusian Monastery)

35. Во 1929 на еден лет во Јужна Америка, копилот во авионот бил Антоан де Сент Егзипери, авторот на Малиот принц.

36. Од 1918 година па се до крајот на животот бил речиси слеп на едното око.

37. Фактот дека очилата на Филип Џонсон биле толку слични со оние на Ле Корбизје не е случајност. Во 1934, инспириран од потписот на Ле Корбизје, тој дизајнирал очила кои подоцна биле изработени од Картие.

38. Ле Корбизје и неговата сопруга имале куче – црн шнауцер со име Pinceau (четка)

39. Кога кучето умрело, неговото крзно послужило за уметнички инсталации, како на пример за обвиткување на кориците на примерок од Дон Кихот.

40. Самоукиот архитект во 1951 за една емисија на BBC рекол: „Морам да Ви признаам дека го напуштив училиштето на 13, бидејќи во минатото училиштата беа многу лоши, немаше воопшто забава.“

41. Кога прв пат го посетил Њујорк ги освои насловните страници на весниците со својата изјава дека облакодерите не се доволно високи.

 

42. Канцеларијата на Ле Корбизје немала прозорци, била климатизирана и личела на ќелија. На тој наччин, верувал дека клиентите ќе бидат поискрени и пообјективни.

43. Во 1934 бил поканет од Бенито Мусолини да држи предавање во Рим

44. Неговите теории за урбаното планирање и неговата утопија односно максимална слобода се оспорувани од многумина.

45. Откако патувајќи со брод од Европа кон Јужна Америка ја сретнал актерката Џозефина Бејкер, тој направил голи скици на познатата артистка.

46. Ле Корбизје го земал својот псевдоним (кратенка од презимето на неговата баба) откако објавува еден манифест за кубизмот, за кој констатира дека станал премногу романтичен.

47. Иако своевремено биле пријатели со Салвадор Дали, сликарот немал пофални зборови за него по неговата смрт. Тој велел дека зградите на Ле Корбизје се „најгрдите на светот“.

48. На 27ми август 1965 Ле Корбизје отишол да плива и покрај предупредувањата на лекарите, во Јужна Франција во близина на својата куќа за одмор. Неговото тело било пронајдено од страна на капачите

49. Во раните 40ти во екот на Втората Светска војна, на Ле Корбизје му е дадена позиција на главен урбанист со задача да проектира градови во тогашните франсуски протекторати во северна Африка. Но, кога неговите планови биле одбиени, тој засекогаш се повлекол од политичкиот живот.

50. Ле Корбизје има изработено и голем број скулптури во текот на својот живот. За уметноста и архитектурата сметал дека треба да бидат симбол на мир и помирување, и симбол на нашата епоха.

http://ramonlo.com/wp-content/uploads/2014/04/lecorbusier-posters.jpg