Петнаесет славни архитекти овековечени на банкноти

Да се биде меѓу избраните, претставeни на националните банкноти, е една од најголемите почести што може да се добие во денешно време. И покрај фактот што електронските трансфери се секојдневие и најверојатно ќе го имаат приматот и во иднина, сепак кешот останува и натаму сигурна практика за размена на стоки и услуги.

Ликовите и имињата на следните 15 архитекти ја имале таа среќа да бидат овековечени на банкноти. Во продолжение ви ги претставуваме банкнотите и знаменитите дела на секој од нив.

1. Ле Корбизје (Швајцарија)

Архитектот за кој не е потребно претставување се наоѓа на банкнотата од 10 швајцарски франци.

 

2. Александар Таманијан (Ерменија)

Претставник на неокласицизмот од почетокот на 20 век. Познат е по изградбата на објектот на Ерменската Опера, како и многу други дела во Ереван, главниот град. Неговиот лик е на банкнотата од 500 драми.

 

3. Мимар Кемаледин Беј (Турција)

Водечки турски архитект во доцниот Османлиски период. Неговиот лик е претставен на банкнотата од 20 лири заедно со едно од неговите најзнаменити дела – Универзитетот Гази во Анкара.

 

4. Чарлс Мекинтош (Шкотска)

Лидер на арт нуво во Велика Британија, познат е по своите објекти како што е на пример Мекинтош зградата во состав на “Glasgow School of Art”.  На банкнотата од 100 фунти бил до 2009 година.

 

5.  Мимар Синан (Турција)

Главниот архитект на Османлиската империја во 16 век, проектирал многу од знаменитите џамии и бањи од тоа време. Неговиот портрет бил на банкнотата од 10.000 лири во периодот 1982 – 1995 година.

 

6.  Ото Вагнер (Австрија)

Архитектот меѓу чии дела се вклучува и зградата на Австриската поштенска банка во Виена. Банкнотата од 500 шилинзи со неговиот лик била во оптек од 1986 до 1997 година.

 

7. Виктор Орта (Белгија)

На белгиската банкнота од 2000 франци, бил од 1994 до 2001 година. Познат е по своите биоморфни детали на Хотелот „Тасел“, кој бил завршен во 1894 година. Се смета за предвесник на арт нуво во архитектурата.

 

8.  Алвар Алто (Финска)

Можеби највлијателниот аркитект од Скандинавија, модернистот Алто е на банкнотата од 50 фински марки од 1986 до 2002 година.

 

9. Густав Ајфел (Франција)

Познат по кулата која го носи неговото име, славниот архитект е претставен на банкнотата од 200 француски франци во периодот 1996 – 2002 година.

 

10. Балтазар Нојман (Германија)

Претставникот на барокот од 18 век, се појавува на банкнотата од 50 германски марки во периодот 1991 – 2002 година.

 

11. Џан Лоренцо Бернини (Италија)

Еден од најзнаменитите архитекти на барокот, автор на бројни згради и скулптури ширум Италија, на кои и денес им се воодушевуваме. Особено е познат по проектот  со колонади на плоштадот Св. Петар.  Неговиот лик бил на банкнотата од 50.000 лири во периодот 1985 – 2002 година.

 

12. Франческо Боромини (Швајцарија)

Познат и како ривал на Бернини, овој архитект е познат по некои од највпечатливите цркви во Рим. Се појавува на банкнота од 100 швајцарски франци во перидот 1976 – 2000 година.

 

13. Јоже Плечник (Словенија)

Архитектот, творецот  на  Тромостовје и уште многу објекти – знаменитости на Љубљана, бил на банкнотата од 500 толари од 1992 до 2007 година.

 

14. Кристофер Врен (Велика Британија)

Еден од најпризнатите англиски архитекти во историјата, запаметен е најмногу по својот проект за катедралата “St. Paul” во Лондон. Бил на банкнотата од 50 фунти во перидот 1981 – 1996 година.

 

15. Томас Џеферсон (САД)

Веројатно помалку е познато дека Томас Џеферсон бил и архитект познат по проектот за Универзитетот Вирџинија. Денес може да се види на ретко користената банкнота од 2 долари.