И Кичево со нова пречистителна станица за отпадни води

Од денес, и официјално е во употреба новата пречистителна станица за отпадни фекални води во Кичево. Новата пречистителна станица започна да се гради есента 2016 година и се гради во две фази. Во првата фаза изградена е пречистителната станица и колекторски систем за градот и приградските населби, еквивалент за 36.000 жители. Во втората фаза се гради колекторски систем за зајашкиот регион и за дел од друговскиот регион или еквивалент за 46.000 жители. Комплетното завршување на овој систем ќе чини околу 15 милиони евра.